پێشڕه‌وییه‌كانی پێشمه‌رگه‌ له‌ گونده‌كانی ده‌رووبه‌ری خورماتوو به‌رده‌وامه‌ و لاشه‌یه‌كی زۆری داعش به‌جێماوه‌. له‌و باره‌وه‌ سه‌رچاوه‌یه‌كی سه‌ربازی به‌ كوردستان تی ڤی راگه‌یاند: گونده‌كانی (زه‌رگه‌؛ ئه‌بو زه‌رگه‌؛ تامور؛ دبچ؛ سماقه‌ی خواروو؛ سماقه‌ی سه‌روو؛ تلل به‌سل؛ ئه‌لبونه‌جمان) له‌ تیرۆریستانی داعش پاك كراونه‌ته‌وه‌ و هێزه‌كانی پێشمه‌رگه‌ تیاندا جێگیركراوه‌.

سه‌رچاوه‌ سه‌ربازییه‌كه‌ هه‌روه‌ها گوتی " فرۆكه‌ جه‌نگییه‌كانی هاوپه‌یمانان رۆڵێكی كاریگه‌رییان هه‌یه‌ له‌ رزگاركردنی گونده‌كانی سه‌ربه‌ شارۆچكه‌ی خورماتوو، هه‌روه‌ها له‌ سنووری شارۆچكه‌ی داقوق؛ پێشمه‌رگه‌ له‌ پێشڕه‌وی دایه‌ و زیاتر له‌ 10 گوند رزگاركراون.

سه‌رچاوه‌یه‌كه‌ ئاماژه‌ی به‌وه‌ش دا كه‌ له‌ گونده‌ رزگاركراوه‌كانی داقوق؛ ژماره‌یه‌كی زۆری لاشه‌ی تیرۆریستی داعش كه‌وتۆته‌ ده‌ستی پێشمه‌رگه‌.