سبەی جارێکی دیکە کۆبوونەوەی پێنج قۆڵی لەشاری ھەولێر ئەنجامدەدرێت وئەندامێکی شاندی دانوستانکاریش دەڵێت، ھەوڵدەدەین لەکۆبوونەوەی سبەی بڕیاری تێدا بدەین،بەڵام مەرج نیە کۆتا کۆبوونەوە بێت.

جێگری سەرۆکی لیژنەی یاسایی لەپەرلەمانی کوردستان وئەندامی شاندی دانوستانکاری گۆران بەھار مەحمود رایگەیاند: سبەی جارێکی دیکە کۆبوونەوەی پێنج قۆڵی لەھۆڵی سەعد عەبدوڵا لەشاری ھەولێر ئەنجامدەدرێت و لەکۆبوونەوەی ئەم جارە ھەوڵدەدرێت کۆبوونەوەی بڕیاردان بێت، چونکە پێشترە تەنھا بیروبۆچون ئالوگۆرکراوە، بەڵام مەرجیش نیە کۆتا کۆبوونەوە بێت.

بەھار مەحمود گوتیشی، خاڵی ھاوبەش ھەیە، بەڵام خاڵی جیاوازیش زۆرە، بۆیە لەکۆبوونەوەی سبەی ھەوڵدەدەین لەیەک نزیک بوونەوە ھەبێت.
سەبارەت بەوەی گەشبینن سبەی بگەنە رێککەوتن،بەهار گوتی، سبەی واقیعەکە دەبینین.