جێگری سەرۆکی حکومەتی هەرێمی کوردستان، لە پەیامێکدا بۆ پارتی دیموکراتی کوردستان رایدەگەیێنێ" دڵنیام بە هەماهەنگی لەگەڵ هەموو لایەك رۆڵێکی کاریگەر دەبینن بۆ چارەسەری رەوشی ئێستای کوردستان".

لە پەیامەکەی قوباد تاڵەبانی هاتووە "یادی دامەزراندنی حیزبە تێکۆشەرەکەتان پیرۆزدەکەم و خەبات و رۆڵی ئێوە لە مێژووی بزووتنەوەی رزگاریخوازی گەلەکەماندا بەرز دەنرخێنم".

جێگری سەرۆکی حکومەت دەڵێت "دڵنیام هەروەکو چۆن لە مێژووی شۆڕشەکانی گەلی کورد و ئاوەدانکردنەوەی کوردستان رۆڵی کاریگەرتان هەبووە، ئێستاش بە هەماهەنگی لەگەڵ هەموولایەك هەمان رۆڵ دەبینن بۆ چارەسەری رەوشی ئێستای کوردستان".

دەقی پەیامەکەی قوباد تاڵەبانی...

بەڕێزان سەرۆكی پارتی دیموکراتی کوردستان و جێگری سەرۆكی پارتی دیموکراتی کوردستان، ئەندامانی مەکتەبی سیاسی و سەرکردایەتی، تەواوی ئەندامان و لایەنگرانی پارتی دیموکراتی کوردستان یادی دامەزراندنی حزبە تێکۆشەرەکەتان پیرۆزدەکەم و خەبات و ڕۆڵی ئێوە لە مێژووی بزووتنەوەی ڕزگاری خوازی گەلەکەماندا بەرز دەنرخێنم.

دڵنیام هەروەکو چۆن لە مێژووی شۆڕشەکانی گەلی کورد و ئاوەدانکردنەوەی کوردستان ڕۆڵی کاریگەرتان هەبووە، ئێستاش بە هەماهەنگی لەگەڵ هەموولایەك هەمان ڕۆڵ دەبینن بۆ چارەسەری ڕەوشی ئێستای کوردستان.

هەمیشە سەربەرز و سەرکەوتووبن.
براتان
قوباد تاڵەبانی
جێگری سەرۆکی حکومەتی هەرێمی کوردستان