وەزارەتی خوێندنی باڵا و توێژینەوەی زانستیی حکوومەتی هەرێمی کوردستان، چەند دەرچووێکی بەرنامەی تواناسازی و زانکۆکانی هەرێمی کوردستان دادەمەزرێنێت.

بەپێی هەواڵێکی ماڵپەڕی فەرمیی وەزارەتی خوێندنی باڵا، نێچیرڤان بارزانی، سەرۆکی حکوومەتی ھەرێمی کوردستان رەزامەندیی نیشانداوە لەسەر دامەزراندنی 97 دەرچووی تواناسازی و و 1650 یەکەم، دووەم و سێیەمی زانکۆکانی هەرێمی کوردستان.

دامەزراندنی ئەم دەرچووانە، دوای کۆبوونەوەیەکی د.یوسف گۆران، وەزیری خوێندنی باڵا و توێژینەوەی زانستی، رێباز حەملان، وەزیری دارایی و ئابووری و نێچیرڤان ئەحمەد، سەرۆکی دیوانی ئەنجومەنی وەزیران ھاتووە، کە لە رۆژی 10ـی ئابی 2015 بەڕێوەچوو.

ساڵی خوێندن و ژمارەی دەرچووە دامەزراوەکان:

1423 دەرچووی ساڵی خوێندنی 2013-2014ـی زانکۆ و پەیمانگەکانی ھەرێمی کوردستان.

215 دەرچووی ساڵی خوێندنی 2012-2013 زانکۆی پۆلیتەکنیکی ھەرێمی کوردستان.

دوو دەرچووی یەکەمی ساڵی خوێندنی 2011-2012 پەیمانگەی تەکنیکی ھەولێر.

وەزارەتی خوێندنی باڵا و تویژینەوەی زانستی داوا لە یەکەم، دووەم و سێیەمەکانی دەرچووانی ساڵی خوێندنی 2013-2014 دەکات، سەردانی زانکۆ و پەیمانگاکان بکەن بۆ دڵنیابون لە ناوەکانیان.








باسنيوز