لێژنه‌ یاساى په‌رله‌مانى كوردستان ڕاپۆرتى هه‌موارى پرۆژه‌ یاساى سه‌رۆكایه‌تى هه‌رێمى به‌رزكرده‌وه‌ بۆ سه‌رۆكایه‌تى په‌رله‌مانى كوردستان ، به‌پێى یاسا سه‌رۆكایه‌تى په‌رله‌مان دواى تێپه‌ر بوونى 48 كاتژمێر به‌سه‌ر به‌رزكردنه‌وه‌ى ڕاپۆرته‌كه‌ ڕۆژێك ده‌ست نیشان ده‌كات و بۆ كۆبونه‌وه‌ى په‌رله‌مان بۆ گفتۆگۆكردن سه‌باره‌ت به‌و پرسه‌ ، لێژنه‌ى یاساى په‌رله‌مان هیواخوازن پێش ئه‌وه‌ى سه‌رۆكایه‌تى په‌رله‌مان ڕۆژێك دابنێن بۆ گفتوگۆكردن لایه‌نه‌ سیاسیه‌كان بگه‌نه‌ سازان .

دواى به‌رزكردنه‌وه‌ى ڕاپۆرته‌كه‌ ، سه‌رۆكى لێژنه‌ى یاسایى له‌ په‌رله‌مانى كوردستان كۆنگره‌یه‌كى ڕۆژنامه‌وانى سازكرد و ڕایگه‌یاند كه‌ ته‌واوى هه‌نگاوه‌كانى لێژنه‌ى یاسایى و نوسینى ڕاپۆرت و به‌رزكردنه‌وه‌ى بۆ سه‌رۆكایه‌تى په‌رله‌مانى نایاساین له‌به‌ر ئه‌وه‌ سه‌رۆكى لێژنه‌ به‌شدارى كۆبونه‌وه‌كه‌ى نه‌بوو و واژووى له‌سه‌ر ڕاپۆرته‌كه‌ نه‌كردووه‌ له‌به‌ر ئه‌وه‌ى ئێمه‌ ده‌لێن ده‌بێ لایه‌نه‌ سیاسیه‌كان بگه‌نه‌ ڕێكه‌وتن .

دكتۆره‌ ڤالا فه‌رید ووتیشى به‌هیچ شێوه‌یه‌ك دواى 19ى مانگ سه‌رۆكى په‌رله‌مانى كوردستان ناتوانێ جێ سه‌رۆكى هه‌رێم بگرێته‌وه‌ به‌ڵكو تا هه‌ڵبژاردن ده‌كرێ سه‌رۆكى هه‌رێم به‌ هه‌موو ده‌سه‌لاته‌كانییه‌وه‌ به‌رده‌وام ده‌بێ.