گوته‌بێژی وه‌زاره‌تی ده‌ره‌وه‌ی توركیا له‌باره‌ی بۆردمانی گوندی زارِگه‌لی ده‌ڵێت: له‌گه‌ڵ حكوومه‌تی هه‌رێمی كوردستان له‌ دانوستاندان و گۆرِینه‌وه‌ی زانیارین.

تانژو بیلگیچ گوته‌بێژی وه‌زاره‌تی ده‌ره‌وه‌ی توركیا له‌ كۆنگره‌یه‌كی رۆژنامه‌نووسیدا گوتی: له‌باره‌ی بۆردمانی گوندی زارگه‌لی له‌ هه‌رێمی كوردستاندا، دانوستان و گفتوگۆكانمان له‌گه‌ڵ حكوومه‌تی هه‌رێمی كوردستان درێژه‌یان هه‌یه‌ و زانیاری له‌م باره‌وه‌ ئاڵوگۆرِ ده‌كرێت و هه‌تا ئێستا چه‌ندین زانیاری بۆ ئێمه‌ هاتووه‌ و كاتێك به‌ڵگه‌ی باشمان پێگه‌یشت ئه‌وه‌ بۆ رای گشتی ئاشكرایان ده‌كه‌ین.