بۆ تاوتوێكردنی پرسی سەرۆکایەتی هەریم، ئەمڕۆ پێنج لایەنە سیاسییەکەی هەرێمی کوردستان لە بارەگای یەکگرتووی ئیسلامی کوردستان كۆبوونه‌وه‌، پاش كۆبوونه‌وه‌كه‌ محمد ئه‌حمه‌د ئه‌ندامی مه‌كته‌بی سیاسی یه‌كگرتوو به‌رۆژنامه‌نوسانی راگه‌یاند، كۆبونەوەكەی ئەمرۆ باش بوو، بڕیارە جارێكیتر كۆببینەوەو گه‌یشتن به‌سازانی لایه‌نه‌ سیاسییه‌كان بڵاو ده‌كرێته‌وه‌.


محمد ئەحمەد نوێنه‌ری یه‌كگرتوو بۆ كبوونه‌وه‌كه‌، وتی: كۆبونەوەكەی ئەمرۆ باش بوو و لایەنەكانیش لەیەكتر گەیشتنیان هەبوو، بیروبۆچون و پێشنیارەكانیش ئاڵوگۆركرا، لەكۆبوونەوەكەدا هەرلایەنەو بۆچوونی خۆی لەسەر شێوازی چارەسەركردنی كێشەی سەرۆكایەتی هەرێم ده‌ربڕیوه‌.



ئه‌وه‌شی خسته‌روو: ئێستاش لایەنە سیاسییەكان پێویستیان بەكاتە بۆ ئەوەی تاوتوێی بۆچوونەكانی نێو كۆبوونەوەكە بكەن .

محمد ئه‌حمه‌د ئاماژه‌یدا: بڕبریارە جارێكیتر كبوونه‌وه‌ ساز بكرێت، بیروبۆچوونه‌كان ئاڵوگۆڕ بكرێته‌وه‌، دواتریش گەیشتنی لایەنە سیاسییەكان بەسازان لەسەر كێشەكان بۆ هاووڵاتیانی هەرێم بڵاودەكرێتەوە.

كۆبوونەوەكە لەسەر ئاستی مەكتەبی سیاسیی حیزبەكانە كە هەر لایەنە و نوێنەرێكی بەشداریی تێدا كرد، بە جۆرێك لە یەكگرتووی ئیسلامی خەلیل ئیبراهیم و محەمەد ئەحمەد و جەلال جەوهەر لە بزوتنەوەی گۆڕان و فازیل میرانی لە پارتی و رزگار عەلی لە یەكێتی و محەمەد حەكیمیش لە كۆمەڵی ئیسلامی.

كۆبوونەوەكە لەسەر پێشنیاری یەكگرتووی ئیسلامی بوە كە داوای كردوە مەتبەخێك بۆ گفتوگۆكردن لەسەر پرسی یاسای سەرۆكایەتیی هەرێمی كوردستان دروست بكرێت.