حکومەتی هەرێمی کوردستان رایدەگەیەنێت هەموو ئاسانکارییەکی کردووە بۆ ناردنەوەی تەرمی 13 گەریلا شەهیدەکەی یەپەگە بۆ باکووری کوردستان، بەڵام تورکیا وەرینەگرتوونەتەوە.

سەرچاوەیەکی باڵای بەرپرس لە سەرۆکایەتیی حکومەتی هەرێمی کوردستان رایگەیاند: "تەرمی ئەو شەهیدانەی یەپەگە لەلایەن حکومەتی هەرێمی کوردستانەوە پێشوازییان لێکراوە و هەموو ئاسانکارییەک کراوە بۆ بردنەوەیان بۆ تورکیا، بەڵام حکومەتی تورکیا بە هیچ شێوەیەک رازی نەبووە ئەو تەرمانە وەربگرێتەوە".

سەرچاوەکەی حکومەتی کوردستان ئەوەشی بۆ رووداو ئاشکراکرد کە "ئێستا تەرمەکان لە ساردخانەدان و بە یەپەگە راگەیێندراوە ئەگەر رێگە بە ناردنەوەیان نەدرا، دەکرێ بەشێوەیەکی کاتی لە باشووری کوردستان بنێژرێن، تاوەکو رەوشەکە چارەسەر دەبێت".

لە رۆژی 26/7/2015ەوە تەرمی 13 شەهیدی یەپەگە لە دەروازەی سنووریی ئیبراهیم خەلیلن، بەڵام حکومەتی تورکیا رێگە بە بردنەوەیان بۆ باکووری کوردستان نادات. گەریلاکان لە شەڕی دژی داعش لە رۆژئاوای کوردستان شەهیدبوون.







رووداو