پارتی دیموکراتی کوردستان لیژنەیەک بە سەرۆکایەتی جێگری سەرۆکی ئەو پارتە بۆ گفتوگۆکردن لەگەڵ لایەنەکان بۆ مەسەلەی سەرۆکایەتی هەرێمی کوردستان رادەسپێرێ.

بە پێی زانیارییەکان و لە کۆبوونەوەی مەکتەبی سیاسی پارتی دیموکراتی کوردستان لە رۆژی ٢٥ی ئەم مانگە بە سەرۆکایەتی سەرۆك بارزانی باسی دوایین رەوشی کوردستان و پەیوەندییەکانی لایەنەکان لەگەڵ پارتی کراوە.

بەشێکی دیکەی کۆبوونەوەکەش باسکردن بووە لە کێشەی سەرۆکایەتی هەرێمی کوردستان و کۆبوونەوەی ٢٣ی حوزەیرانی پەرلەمان کە پارتی بایکۆتی کرد.

لە کۆبوونەوەکەی پارتیدا بڕیاردراوە مەسەلەکان لە رێگەی گفتوگۆەوە چارەسەربکرێ و لیژنەیەکیش بە سەرۆکایەتی نێچیرڤان بارزانی جێگری سەرۆکی پارتی و فازڵ میرانی سکرتێری مەکتەبی سیاسی و مەسرور بارزانی ئەندامی مەکتەبی سیاسی پێکهێنراوە بۆ قسەکردن لەسەر پێشنیازی پارتی بۆ چارەسەر.



هەر بە پێی زانیارییەکانی رووداو پارتی رەنگە بە پەیوەندییەکانیدا بچێتەوە لەگەڵ گۆڕان و زیاتر لە یەکێتی نزیک بێتەوە.





















رووداو