بەرپرسی راگەیاندنی قایمقامیەتی قەزای دوزخورماتوو تەقینەوەی بۆمبێکی چێندراوی لەگەڕەکی عەسکەری قەزای دوزخورماتوو راگەیاند.

محەممەد فایەق، بەرپرسی راگەیاندنی قایمقامیەتی قەزای دوزخورماتوو راگەیاند: شەوی رابردوو لەنزیک بازاڕی رۆکان لەگەڕەکی عەسکەری قەزای دوزخورماتوو، بۆمبێکی چێندراو لەپێش ماڵی ھاووڵاتیەکی عەرەبی سوننە تەقییەوە .

محەممەد فایەق ھەروەھا گوتی : تەقینەوەکە جگە لەزیانی ماددی، ھیچ زیانێکی گیانی لێ نەکەوتووەتەوە، چونکە خانووەکە لەو کاتەدا چۆڵبووە”.

دوزخورماتوو دەکەوێتە باکوری رۆژھەڵاتی بەغدا، یەکێکە لەناوچە کوردستانییەکانی دەرەوەی ئیدارەی ھەرێم و لەساڵی 1976دا لەلایەن حکومەتی عێراقەوە لەپارێزگای کەرکوک دابڕێنراوە و خراوەتە سەر پارێزگای سەڵاحەددین.























باسنیوز