ڕۆژی سێ‌شەممە ١٦ی حوزەیران، هێزەکانی پێشمەرگە و فڕۆکە جەنگییەکانی هاوپەیمانان، دوو موڵگەی چەکدارانی داعشیان لە میحوەری ناوەران کردە ئامانج.

فه‌رمانده‌یی پێشمه‌رگه‌ی زێره‌ڤانی لە ڕاگەیەنراوێک کە وێنەیەکی بۆ گوڵان نێردراوە ڕایگەیاند، ڕۆژی سێ شه‌ممه ١٦ی حوزەیرانی ٢٠١٥ هێزەکانی پێشمەرگە و فڕۆکە جەنگییەکانی هاوپەیمانان لە‌ دوو كاتی جیاواز( كاتژمێر 3:30 دوا نیوه‌ڕۆ و كاتژمێر 6:30 ئێواره‌)، دوو مۆڵگه‌ی تیرۆریستانی داعشیان لە‌ گوندی خورسه‌باد لە میحوه‌ری ناوه‌ران کردە ئامانج و خاپوور کران.

بە پێی ڕاگەیەنراوەکەی فه‌رمانده‌یی پێشمه‌رگه‌ی زێره‌ڤانی، لەو هێرشانە دا هه‌ر دوو مۆڵگه‌ی تیرۆریستان خاپور كراون و چەکدارێکی زۆریش كوژراون.