كه‌ناڵی ئاسمانی (زارۆ) ی سه‌ربه‌ وه‌زاره‌تی رۆشنبیری و لاوانی حكوومه‌تی هه‌رێمی كوردستان، هه‌ڵمه‌تێکی کۆکرنه‌وه‌ی کۆمه‌ک و هاوكاری بۆ مناڵه‌ ئاواره‌کانی سنوری هه‌رێمی کوردستان ده‌ست پێکرد .

“ئه‌مین حه‌مه‌د ئه‌حمه‌د” سه‌رپه‌رشتیاری که‌مپینه‌که‌ راگه‌یاند: “که‌مپینه‌که‌ 10 رۆژ ده‌خایه‌نێت و سه‌رجه‌م شار و شارۆچکه‌کان ده‌گرێته‌وه‌ و هه‌ر ڕۆژێك له‌ ناوچه‌یه‌كی شارێكی هه‌رێمی كوردستان ده‌بێت”.

ناوبران زیاتر گوتی: “ئه‌و كه‌لوپه‌لانه‌ی له‌میانه‌ی كه‌مپینه‌كه‌ كۆ ده‌كرێنه‌وه‌ بریتین له‌ یاری کردنی مناڵان و له‌كۆتاییدا پێشكه‌شی منداڵه‌ ئاواره‌بووه‌كانی هه‌رێمی كوردستانی ده‌كه‌ین هه‌روه‌ها ناونیشانێكی بانكیشمان داناوه‌ بۆ ئه‌وه‌ی له‌و ڕێگه‌یه‌وه‌ش هاوكاری و كۆمه‌كه‌كان بگاته‌ ده‌ستمان”.

که‌مپینی گه‌رۆکی (یاری من خه‌ندی تۆ) رۆژی چوارشه‌مه‌(3-6-2015) له‌ شاری ڕانیه‌ به‌رێوه‌ چوو، به‌گوته‌ی سه‌رپه‌رشتاری که‌مپینه‌که‌ش توانراوه‌ تاوه‌كو ئێستا بڕێكی به‌رچاو كۆمه‌ك و هاوكاری كۆكراوه‌ته‌وه‌ و تاوه‌كو رۆژی(10-6-2015) به‌رده‌وام ده‌بێت.





















(باسنیوز)