به‌به‌شدارى سه‌د و په‌نجا كۆمپانیا دووه‌مین پێشانگاى نێوده‌وڵه‌تى غازى عه‌نتاب كرایه‌وه‌ ، ئه‌م پێشانگایه‌ بۆ ماوه‌ سێ رۆژ به‌رده‌وام ده‌بێت و شاندێكى یه‌كێتى ژووره‌كانى بازرگانى و پیشه‌سازى هه‌رێمى كوردستان و ژماره‌یه‌ك بازرگانی هه‌رێمى كوردستان به‌شداربوون .

ئه‌م پێشانگایه‌ تایبه‌ت بوو به‌ كه‌لوپه‌له‌كانى ناوماڵ و كشتوكاڵى و كه‌لوپه‌لى موبیلیات ، له‌م پێشانگایه‌دا ژماره‌یه‌ك پرۆتۆكۆڵ و گرێبه‌ست له‌ نێوان به‌شداربووان واژوو ده‌كرێت. له‌میانه‌ى كردنه‌وه‌ى پێشانگاكه‌ش گفتوگۆیه‌كى كراوه‌ سه‌باره‌ت به‌ ره‌وشى ئابوورى هه‌رێمى كوردستان و شارى غازى عه‌نتاب و په‌یوه‌ندیه‌كانى نێوان هه‌ردوولا به‌رێوه‌چوو .