دواى ئه‌وه‌ى فه‌ریناز خوسروانى كارمه‌ندى هۆتێلى تارا له‌ مهاباد له‌ نهۆمى چواره‌مى هۆتێله‌كه‌ خۆى فرێ دایه‌ خواره‌وه‌، بوو به‌ هۆى گیان له‌ ده‌ستدانى كچه‌كه‌ و، دانیشتوانى شارى مهاباد خۆپیشاندێكى گه‌وره‌یان سازكرد و دواى سوتاندنى هۆتێله‌كه‌، شه‌روپێكدادانێكى گه‌وره‌ له‌ نێوان هێزه‌ ئه‌منیه‌كان و خۆپیشانده‌ران رووى دا و به‌و هۆیه‌وه‌ ژماره‌یه‌كى زۆر له‌ خۆپیشانده‌ران بریندار بوون .

دواى تێكچوونى ره‌وشى ئه‌منى شاره‌كه‌، حه‌سه‌ن روحانى سه‌رۆكى ئێرانیش داواى له‌ هێزه‌ ئه‌منیه‌كانى شاره‌كه‌ كرد كه‌ له‌ خۆپیشانده‌ران دووربكه‌ونه‌وه‌. هاوكات جه‌عفه‌ر كه‌تانى قایمقامى شارى مهابادیش له‌ پێناو ره‌وانده‌وه‌ى نێگرانى و كۆتایى هێنان به‌ خۆپیشادنه‌كان رایگه‌یاند كه‌ كه‌سێكى گومان لێكراویان به‌ تۆمه‌تى په‌یوه‌نداربوون به‌ دۆسیه‌كه‌وه‌ ده‌ستگیر كردووه‌.

هه‌ر له‌وچوارچێوه‌یه‌دا ئاژانسى ده‌نگوباسى ئیرناى ئێرانى له‌ سه‌ر زارى جێگرى پارێزگارى ئازه‌ربایجانى رۆژئاواوه‌ گواستیوه‌ كه‌ تاوانباره‌كه‌ هیچ په‌یوه‌ندییه‌كى به‌ داموده‌زگا ئه‌منیه‌كانه‌وه‌ نییه‌. هاوكات جێگرى پارێزگارى ئازه‌ربایجانى رۆژئاوا ئاماژه‌ی به‌وه‌شدا كه‌ به‌ هۆى شه‌روپێكدادنه‌كان بیست و پێنج كه‌س برینداربوون و له‌و ژماره‌یه‌شدا حه‌وتیان سه‌ر به‌ هێزه‌كانى ئه‌منیه‌وه‌ن.