به‌ مه‌به‌ستى پته‌وتركردنى په‌یوه‌ندییه‌كانى نێوان هه‌ردوولا، نه‌جات حه‌سه‌ن به‌رپرسى لقى یازده‌ى پارتى دیموكراتى كوردستان له‌ ڕانیه‌ سه‌ردانى مه‌ڵبه‌ندى بیست و چوارى یه‌كێتى نیشتمانى كوردستانى كرد و له‌ لایه‌ن عه‌دنانى حه‌مه‌ى مینا به‌رپرسى مه‌ڵبه‌ند پێشوازى كرا.

له‌ دیدارێكى دۆستانه‌دا هه‌ردوولا جه‌ختیان له‌سه‌ر یه‌كڕیزى و ته‌بایى و یه‌ك هه‌ڵوێستى هه‌ردوولا و سه‌رجه‌م پارت و لایه‌نه‌ سیاسیه‌كان له‌ كوردستان كرده‌وه‌. هه‌روه‌ها هه‌ردوولا پابه‌ندبوونى خۆیان بۆ پرسه‌ نیشتمانى و نه‌ته‌وه‌ییه‌كان دووپاتكرده‌وه‌ و هاوكات ڕۆڵى ئازایانه‌ى هێزى پێشمه‌رگه‌یان به‌رز نرخاند و هه‌روه‌ك باس له‌ قوربانیدانى گه‌نج و لاوانى ده‌ڤه‌رى ڕاپه‌رین كرا له‌ پێناو به‌رگریكردن له‌ خاكى كوردستان ، به‌وه‌ى تاوه‌كو ئێستا ده‌ڤه‌ره‌كه‌ زیاتر له‌ نه‌وه‌د شه‌هیدى به‌خشیووه‌ له‌ پێناو ئازادى و سه‌ربه‌ستى خاك و خه‌ڵك.