به‌ مه‌به‌ستى به‌سه‌ركردنه‌وه‌ى ئاواره‌كان و هه‌واڵ پرسین له‌ ڕه‌وشى گوزه‌رانیان له‌ كه‌مپى مه‌خموور و كه‌ندێناوه‌، ئیمانوێل ژینیاك به‌رپرسى یوئێن له‌ باكور سه‌ردانى قه‌زاى مه‌خموورى كرد و له‌ گه‌ڵ قائیمقامى شاره‌كه‌ كۆبووه‌وه‌ .

ئه‌و به‌رپرسه‌ى یوئێن ئاماژه‌ى به‌ ڕۆڵى هێزى پێشمه‌رگه‌ له‌ ده‌ڤه‌ره‌كه‌ كرد له‌ دابینكردنى كه‌شێكى ئارام بۆ هاووڵاتیان و ئاواره‌كان.

لاى خۆیه‌وه‌ قائیمقامى مه‌خموور سوپاسى نه‌ته‌وه‌یه‌كگرتووه‌كانى كرد بۆ یارمه‌تیدانى ئاواره‌كان هه‌روه‌ها داواى له‌ شانده‌كه‌ كرد كه‌ یارمه‌تیده‌ر بن بۆ دروستكردنى كه‌مپى كه‌ندێناوه‌ كه‌ ئێستا هه‌زار خانوو دروست ده‌كرێت و هه‌روه‌ها داواشیكرد كه‌ لیژنه‌ى كۆچ و كۆچبه‌رانى عێراق سه‌ردانى كه‌مپه‌كه‌ بكات، بۆ بینینى دۆخى ئاواره‌كان.