د. ئەحمەد بەڕێوەبەری گشتی چاکسازی لەوەزارەتی کارو کاروباری کۆمەڵایەتی رایگەیاند، سزادراوێک لەچاکسازی گەوران لەپارێزگای ھەولێر کۆتایی بە ژیانی خۆی ھێناو خۆی خنکاند.
ھەروەھا گوتی، شەوی رابردوو نەجیم حاجی تۆفیق ناسراو بە پڵنگەکەی زێرڤانی بە خۆی خنکاندن کۆتایی بە ژیانی خۆی ھێنا، تەرمەکەی بۆ ئەنجامدانی توێکاری رەوانەی پزیشکی دادوەری کراوە بۆ زانینی وردەکاری ھۆکارەکانی گیان لەدەستدانی ئەو سزادراوە.
راشیگەیاند، لیژنەیەکی لێکۆڵینەوە لەلایەن ئیدارەی چاکسازیەکە پێکھێندراوە و لێکۆڵینەوە لەتەواوی وردەکاری ئەو رووداوە دەکات.