لە دیدارێكی تایبەتدا بۆ گۆڤاری گوڵان وایەن گراشیا رۆژنامەنووس و ئەكادیمی لە زانكۆی فلۆریدا بۆ گوتى: ئەمە ساتەوەختێكە كە دژیەكییەكی گەورە لە خۆدەگرێت بۆ هەواڵ و رۆژنامەگەری. هیچ كاتێك وەك ئێستا پیشە تەقلیدییەكە و شێوازی بەكارهێنراوی كاركردن بۆ بەدەستهێنانی دارایی و بڵاوكردنەوەی هەواڵ، لە گیروگرفتدا نەبووە، هەروەها هیچ كاتێكیش هێندەی ئێستا خەڵكی بەو ئاسانییە و بەو ئەندازە گەورەیە دەستیان بە هەواڵ و زانیاری نەگەیشتووە، هەروەها بە ئەندازەی ئێستا بژاردەی زۆریان لە بەردەمدا نەبووە لە رووی سەرچاوەكانەوە. بەلای منەوە پرسی گەورەتر لە ئایندەی رۆژنامەگەری، بریتییە لە ئایندەی پەروەردەكردنی خەڵك بۆ ئەوەی لە رووی راگەیاندنەوە خوێندەوار بن لەم رۆژگارە گۆڕاوەدا.


وایەن گراشیا هەروەها گوتی: ئایا ئەوانەی لەسەر تۆڕی ئەنتەرنێت بڵاو دەكرێنەوە، كامەیان راستن و چۆن ئەمە یەكلا بكەمەوە؟ رۆژنامەگەریش رووبەڕووی هەمان كێشە دەبێتەوە. لەم رەوتە خێرایەی تەكنەلۆژیا و پەلەكردن بۆ كۆكردنەوەی هەواڵ، ئەو دەزگا راگەیاندانەی داراییەكی باشیان هەیە و ئاستێكی پەروەردەیی باشیان هەیە، دەبنە نێچیری فریودان و زانیاریی ناڕاست. ئەمە هەم كێشەیە بۆ ئەوانەی ناوەڕۆكی هەواڵ و زانیارییەكان دادەڕێژن وەك رۆژنامەنووس و .. تاد، هەم كێشەیە بۆ ئەوانەی ناوەڕۆكی زانیاری و هەواڵ دەخوێننەوە، كە هەردووكیان دەبێت بە ئاستی كارامەیی خۆیاندا بچنەوە لە رووی ئەوەی چۆن هەواڵ و زانیاری دەخوێننەوە و چۆن بڵاوی دەكەنەوە

شايانى باسه گراشیا هەروەها گوتی: یەكێك لەو مۆدێلانەی لە سەروبەندی دروستبووندان و من بە باشی دەزانم، پێیوایە بیرۆكەی داڕێژەری ناوەڕۆكی هەواڵ و زانیاری و خوێنەری ناوەڕۆكی هەواڵ و زانیاری چیتر بیرۆكەیەك نییە كە لایەنێك زانیاری بنێرێت و لایەنێكیش تەنها وەرگری بێت، چونكە ئێستا هەموو كەس هەم خوێنەرە و هەم و داڕێژەر و بڵاوكەرەوەیە، ئەمەش وایكردووە سیستمەكە جێی بایەخپێدانی زۆر بێت، هەروەها زۆر قورسیش بێت لێی تێبگەیت و بەكاری بهێنیت.

بۆ خوێندنەوەی ئەم بابەتە لە گۆڤاری گوڵان ژمارە(1022)