ئەمڕۆ لە شارۆچکەی شنگال فڕۆکە جەنگییەکانی ھاوپەیمان گەڕەکی نەسری بوردۆمانکردو لە ئەنجامدا ژمارەیەک داعش کوژران.

سەعید مەمووزینی، بەرپرسی راگەیاندنی لقی ١٤ی پارتی رایگەیاند: ئەمڕۆ فڕۆکە جەنگییەکانی ھاوپەیمانان لە گەڕەکی نەسری شارۆچکەی شنگال بنکە و بارەگاکانی داعشی بوردۆمانکرد و لە ئەنجامدا ژمارەیەک چەکداری داعش کوژران.

سەعید وتیشی: لە قەزای بەعاجی پارێزگا مووسڵ، گۆڕێکی بەکۆمەل دۆزراوەتەوە و تێیدا نزیکەی ٣٠٠ تەرمی داعش ھەن، ئەوانەش تەرمی ئەو چەکدارانەن کە پێشتر لە شەڕەکاندا کوژراون.