وه‌زاره‌تی ده‌ره‌وه‌ی توركیا ئیدانه‌ی كرده‌وه‌ تیرۆریستیه‌كه‌ی به‌رده‌م كۆنسوڵخانه‌ی ئه‌مریكا له‌ هه‌ولێر كرد. به‌پێی به‌یاننامه‌ی وه‌زاره‌تی ده‌ره‌وه‌ی توركیا، له‌ ناحییه‌ی عه‌نكاوه‌ له‌ هه‌رێمی كوردستان كرده‌وه‌یه‌كی تیرۆریستی ئه‌نجامدرا كه‌ بووه‌ هۆی كوژرانی دوو كه‌س و بریندار بوونی هه‌شتی دیكه‌.

راشیگه‌یاندوه‌، كه‌ له‌ رێگه‌ی كونسوڵخانه‌كه‌یان به‌ داموده‌گازكانی حكوومه‌تی هه‌رێمی كوردستانیان راگه‌یاندووه‌ كه‌ توركیا ئاماده‌ی هه‌موو پشتیوانییه‌كە. له‌ به‌یاننامه‌ی وه‌زاره‌تی ده‌ره‌وه‌ی توركیا هه‌روه‌ها هاتووه‌ توركیا به‌ھه‌موو شێوه‌یه‌ك ئیدانه‌ی ئه‌و كرده‌وه‌ تیرۆریستییه‌ ده‌كات و سه‌ره‌خۆشی له‌ كه‌سوكاری شه‌هیدان ده‌كات و هیوای زوو چاكبوونه‌وه‌ بۆ برینداران ده‌خوازێت.