ئهنجومهنى وهزیران جهژنى "سهرساڵ" له خوشك و برایانى ئێزدى پیرۆز دهكات
سبهى چوارشهممه 16ى نیسانى 2015 جهژنى سهرسال، "چارشهمبوا سۆر"ى كوردانى ئێزدییه، بهم بۆنهیهوه ئهنجومهنى وهزیرانى ههرێمى كوردستان برووسكهیهكى ئاراستهى خوشك و برایانى ئیزدى كرد، ئهمه دهقهكهیهتى:
ئیسال د دهمهكێدا جهژنا سهرسالێ "چارشهمبوا سۆر" یا خوشك و برایێن مه یێن كوردێن ئێزدى ڤهدگهڕیت، كو ب ههزاران مالباتێن وان ژبهر تیرۆرێ ژ وار و جهـ و مال و حالێن خوه دوورن و ژیانا ئاوارهییێ دهرباز دكهن، ههروهها ب ههزارێن دن ژى هاتنه بێسهروشوونكردن، شههیدكرن و ڕهڤاندن. ئهم ژ دل و جان ههڤسۆزى و ههڤخهمیا خوه دگهل خوشك و برایێن مه یێن ئێزدى دهردبڕین و هیڤیدارین كو جهژنێن بێن، جهژنێن سهركهتن، ڕزگاربوون و ئازادكرنا ههموو جهێن كوردستانێ ب گشتى و جهـ و وار و دهڤهرێن خوشك و برایێن ئێزدى ب تایبهتى بیت.
د دهمهكێدا كو ئهم سهرسالێ ل ههموو خوشك و برایێن ئێزدى ل كوردستانێ و ل ههر جههكێ جیهانێ بن، پیرۆز دكهین، جارهكا دى ههموویان پشتڕاست دكهین كو حكوومەتا هەرێما كوردستانێ دێ ل سهر ههولێن خوه یێن ژبۆ ناساندنا كارهساتا ئێزدیان وهك جینۆساید ب ههر ئاوایى بهردهوام بیت و ژبۆ ڤێ یهكێ دێ ههموو كارین و شیان و كهنالێن خوه یێن سیاسى و دیپلۆماسى ب كار ئینیت.
حكوومهتا ههرێما كوردستانێ ههروهها ب ههر ئاوایى دێ ل سهر ههولێن خوه یێن ڕزگاركرنا خوشك و برایێن مه یێن ئێزدى یێن ڕهڤاندى بهردهوام بیت ههتا ههموو تێنه ئازادكرن. ههروهها ژى دێ د ههولێن بهردهوامدا بیت ژبۆ پێشكهشكرنا ههموو تهرزێن هاریكارى و خزمهتگوزاریان و ئاڤهدانكردنا وان جهـ و دهڤهرێن وان یێن كو ڕۆژانه ژئالیێ پێشمهرگێن كوردستانێڤه تێنه ڕزگاركرن.
ههڤسۆزى یا ههڤخهمى یا خوه دگهل ههموو خوشك و برایێن مه ئێزدى دووباره دكهین و جهژنا ههموویان پیرۆز بیت.
جڤاتا وهزیرێن ههرێما كوردستانێ
2015/4/12
