سەعید مەموزینی كارگێری لقی 14ی پارتی دیموكراتی كوردستان رایدەگەیەنێت، بەبیانوی راكردن لەبەرەكانی شەڕ، داعش لە موسڵ زیاتر لە 25 چەكدارانی لەسێدارە داوە كە سەرجەمیان عەرەبی سوننەن.
هەروەها گوتی، شەوی رابردوو لەچەند شوێنێكی جیاوازدا تیرۆریستانی داعش لەناو شاری موسڵ 25 چەكداری خۆی كە پێشتر گوایە لە بەرەكانی شەڕ رایان كردووە دەستگیر كرد بوو.
راشیگەیاند، زیاتر لە10 رۆژە ئەو چەكدارانە بەند كراون لە بەندیخانەكانی داعش، دوای بڕیار دان لەسەر سەپاندنی سزا بەسەریان، شەوی رابردوو سەرجەمیان لەسێدارە دراون.