جێگری فەرماندەی زێرەڤانی ئاماژە بە زیانەكانی داعش لە هێرشی شەوی رابردووی میحوەری خازر دەكات و رایدەگەیەنێ، پێنج تەرمی داعش كە پێدەچێت چەكداری بیانیبن كەوتوونەتە دەست پێشمەرگە.

سەید هەژار، جێگری فەرماندەی زێرەڤانی بە پەیامنێری راگەیاند: لە هێرشی شەوی رابردووی تیرۆرستانی داعش بۆسەر گوندەكانی حەسەن شام و وەردەك، داعش پێنج تەرمی خۆی بەجێ هێشتووە و هەر پێنجیان بە چەكداری بیانی دەچن، هەروەسا بڕێكی زۆری چەك و تەقەمەنی داعش كەوتووتە دەست هێزی پێشمەرگە و سوپای پێنج و سوپای چواری زێرەڤانی رۆلی بەرچاویان هەبوو لە شكاندنی داعش.

سەیدا هەژار گۆتیشی: فڕۆكە جەنگیەكانی هاوپەیمانان لە هێرشەكەی شەوی رابردوودا هاوكاری هێزەكانمانی كردوون و باوەرناكەم دوای شكستەكەی شەوی رابردوو داعش لەو سنورە بیر لە هێرش بكاتەوە.