وەزیری كۆچ و كۆچبەرانی عێراق د. دەرباز محەمەد رای دەگەیەنێت، سەرەتای هەفتەی داهاتوو پرۆسەی دابەش كردنی پێشینەی یەك ملیۆن دیناری بە ماڵباتی كوردی ئێزدی كە تا ئێستا بە هۆی نەبوونی پارە لە بانكەكان بێبەشبووبن دێتە دابەش كردن.
راشیگەیاند، ئەمڕۆ لە رێی بانكەكانەوە بڕی پارەی پێویست رەوانەی بانكەكانی هەرێمی كوردستان كراوە بۆ ئەوەی لە هەفتەی داهاتوو بڕی پارەی پێویست بەسەر 25 هەزار خانەوادەی كوردی ئێزیدی كە ئاوارەی شارەكانی هەرێمی كوردستان بوونە لەسەر دەستی تیرۆریستانی داعش بێتە دابەش كردن.
گوتیشی، سەرجەم ئەو خانەوادە كوردە ئێزدیانە كە تا ئێستا ب هۆی نەبوونی پارە لە بانكەكانی هەرێم لەو بڕە پێشینەیە بێبەشبوونە پێشینەكەیان پێدەدرێ.