شه‌وی ڕابردوو هێزه‌كانی پێشمه‌رگه هێرشێكی چه‌كدارانی ڕێكخراوی تیرۆریستی داعشیان له‌ میحوه‌ری خازر تێكشكاند.



موقەده‌م میكایل هه‌ركی له‌ میحوه‌ری خازر به‌ ئاژانسی هه‌واڵی په‌یامنێری ڕاگه‌یاند؛ شه‌وی ڕابردوو چه‌كدارانی ڕێكخراوی تیرۆریستی داعش به‌ دۆشكه‌ و هاوه‌ن و بیكه‌سی له‌ ته‌ل ئه‌سوه‌د و زارا خاتوون و كارگه‌ی كاشییه‌‌وه‌ هێرشیان كرده‌ سه‌ر سه‌نگه‌ره‌كانی پێشمه‌رگه‌ له‌ میحوه‌ری خازر.



ئەو فەرماندەیەی هێزەکانی پێشمەرگە بە پەیامنێری گووت:هێزه‌كانی پێشمه‌رگه به‌ هاوكاری فڕۆكه‌ جه‌نگیه‌كانی هاوپه‌یمانان به‌ ماوه‌یه‌كی كه‌م هێرشه‌كه‌ی داعشیان تێکشکاند و زیانێكی زۆریان پێگەیاندن.