دوێنێ شه‌ممه‌ 14ی ئازاری 2015، وه‌فدێكی هه‌ده‌په‌ سه‌ردانی دوورگه‌ی ئیمرالیان كرد بۆ ئه‌وه‌ی دیدار له‌گه‌ڵ عه‌بدوڵا ئۆجه‌لان، رێبه‌ری پارتی كرێكارانی كوردستان ئه‌نجام بده‌ن، به‌پێی زانیارییه‌كانیش، ئۆجه‌لان له‌ نه‌ورۆزی ئه‌مساڵدا په‌یامێكی گرنگ بڵاو ده‌كاته‌وه‌ و نامه‌یه‌كیشی بۆ تاڵه‌بانی و بارزانی ناردووه‌.

سرری سوره‌یا ئۆنده‌ر، پەرلەمانتاری هەدەپەو ئه‌ندامی وه‌فدی ئیمرالی به‌ رۆژنامه‌نووسانی رایگه‌یاند: بڕیاره‌ عه‌بدوڵا ئۆجه‌لان، بۆ نه‌ورۆزی ئه‌مساڵ په‌یامێكی گرنگ بڵاو بكاته‌وه‌.

راشیگه‌یاند: ئۆجه‌لان نامه‌یه‌كی بۆ تاڵه‌بانی و بارزانی ناردوه‌، كه‌ به‌شێوه‌یه‌كی گشتی باس له‌ بارودۆخی ناوچه‌كه‌ و پڕۆسه‌ی ئاشتی و رێكخراوی تیرۆرستی داعش و هه‌ماهه‌نگی نێوان هێزه‌ كوردییه‌كان و كۆنگره‌ی نه‌ته‌وه‌یی كورد ده‌كات.