ته‌رمی 29 چه‌کداری ڕێکخراوی تیرۆریستی داعش گه‌ڕێنراوه‌ته‌وه‌ شاری موسڵ له‌ناویاندا ته‌رمی به‌رپرسی ئۆپه‌راسیۆنى هێرشه‌کانی داعشی تێدایه‌‌.

عسمه‌ت ڕه‌جه‌ب به‌رپرسی لقی چوارده‌ی پارتی دیموکراتی کوردستان به‌ ئاژانسی هه‌واڵی په‌یامنێری ڕاگه‌یاند: ته‌رمی 29 چه‌کداری ڕێکخراوی تیرۆریستی داعش گه‌یه‌نراوه‌ته‌وه‌ نه‌خۆشخانه‌کانی موسڵ که‌ به‌ بۆردومانی فڕۆکه‌ جه‌نگیه‌کان له‌ناوچه‌ی هه‌ره‌ماتی سه‌ر سنووری سوریا کوژراون که‌ زۆربه‌یان سه‌رکرده‌ی ڕێکخراوه‌که‌ن.

عسمه‌ت ڕه‌جه‌ب گووتی: به‌پێی ئه‌و زانیاریانه‌ی به‌ ده‌ستمان گه‌یشتووه‌، ته‌رمی ئه‌بو حه‌فسه‌ له‌ناویاندایه‌ به‌ڕه‌گه‌ز لیبیه‌ به‌رپرسی ئۆپه‌راسیۆنى هێرشه‌کانی داعش بووه‌.