باراك ئۆباما سه‌رۆكى ئه‌مه‌ریكا رایگه‌یاند، ئیسلام ئاینێكى دادپه‌روه‌ریى و لێبۆرده‌ییه‌ و به‌ هیچ شێوه‌ییه‌ك رێكخراوه‌ تیرۆرستییه‌كانى وه‌ك داعش و قاعیده‌ و تیرۆرسته‌كانى دیكه‌ى هاوشێوه‌یه‌ن نوێنه‌رى زیاتر له‌ یه‌ك ملیار موسڵمان له‌ جیهان ناكه‌ن. له‌ گوته‌ییه‌كدا كه‌ له‌ كۆنگره‌ى له‌ناوبردنى توندڕه‌ویى و تیرۆر له‌ واشنتۆن له‌ به‌رده‌م نوێنه‌رى زیاتر له‌ شێست وڵات كه‌ له‌ شه‌ڕى دژى چه‌كدارانى داعش هاوپه‌یمان و شه‌ڕ ده‌كه‌ن پێشكه‌شى كرد ئۆباما داواى له‌ سه‌ركرده‌كانى وڵاتانى رۆژئاوا و وڵاتانى ئیسلامى كرد پێكه‌وه‌ كار له‌ پێناو له‌ناوبردن و به‌حه‌رامكردنى كاره‌كانى تیرۆرستانى داعش بكه‌ن بۆ ئه‌وه‌ى زیاتر ئه‌و رێكخراوه‌ تیرۆرسته‌ كه‌سى دیكه‌ توندڕه‌و ناكات.

له‌ گوته‌كه‌یدا سه‌رۆكى ئه‌مه‌ریكا چوار پێشنارى بۆ لاوازكردنى توانه‌كانى رێكخراوى تیرۆریستى داعش له‌باره‌ى به‌چه‌كداركردنى كه‌سانى دیكه‌ خسته‌ روو له‌وانه‌ش، رووبه‌ڕبوونه‌وه‌ى باوه‌ڕى ئه‌و رێكخراوه‌ تیرۆرسته‌ و له‌گه‌ڵ چاره‌سه‌رى سته‌مكارى كۆمه‌ڵاییه‌تى كه‌ گروپه‌ توندڕه‌وه‌كان وه‌ك به‌رژه‌وه‌ندى بۆ خۆیان به‌كارى ده‌هێنن و له‌گه‌ڵ مامه‌ڵه‌كردن له‌گه‌ڵ سته‌ماره‌ سیاسییه‌كانى ناوخۆى وڵاتان، هه‌روه‌ها رێگریگرتن له‌و كه‌سانه‌ كه‌ ده‌یانه‌وێت به‌ دزییه‌وه‌ بچنه‌ ناو رێكخراوه‌ توندڕه‌وه‌كانى وه‌ك داعش.

له‌ به‌شێكى گوته‌كه‌یدا سه‌رۆكى ئه‌مه‌ریكا ئاماژه‌ى به‌وه‌شدا، چاره‌سه‌رى باوه‌ڕى توندڕه‌وى ته‌نها پشت به‌ستن به‌ رێگه‌ى سه‌ربازى نابێت، به‌ڵكو ده‌بێت باوه‌ڕى ژێرخانى توندڕه‌وه‌یى تیرۆر له‌بندا هه‌ڵبكه‌ندرێت و له‌ناویش ببیرێت. باراك ئۆباما روونیشیكرده‌وه‌، قاعیده‌ و داعش هه‌وڵده‌ده‌ن وێنه‌ى خۆیان وه‌ك دوو سه‌ركرداییه‌تى رێبه‌رانى ئاینى نیشان بده‌ن كه‌ ئه‌وان به‌و باوه‌ڕه‌ى په‌یڕه‌ویى ده‌كه‌ن به‌رگرى له‌ ئاینى ئیسلام