فڕۆكه‌ جه‌نگیه‌كانی هاوپه‌یمانان له‌ ده‌وروبه‌ری وانكێ كاروانێكی ئۆتۆمبیلی داعشیان بۆردومان كرد و سه‌رجه‌میان سوتاندن.



به‌رپرسی ڕاگه‌یاندنی لقی موسڵی پارتی دیموكراتی كوردستان، عسمه‌ت ڕه‌جه‌ب، به‌ ئاژانسی هه‌واڵی په‌یامنێری ڕاگه‌یاند: فڕۆكه‌ جه‌نگیه‌كانی هاوپه‌یمانان له ‌نێوان گوندی ئتمارات و گوندی وائیلیه‌ كه‌ سه‌ر به‌ناحیه‌ی وانكێ-ن، كاروانێكی ئۆتۆمبیلی ڕێكخراوی تیرۆریستیی داعشیان بۆردومان كرد كه‌ له‌ 19 ئۆتۆمبیل پێكهاتبوو و سه‌رجه‌میان سووتان.