لێژنەى فەتواى یەکێتى زانایانى ئاینى ئیسلامى کوردستان فەتوایەک بڵاو دەکاتەوە سەبارەت بەوانەى سوکایەتى بە لاشەى مردوو دەکەن و هەتککى دەکەن .


ئەمەش دەقى روونکرنەوەى فەتواکەیە

بەناوی خوای گەورەو میهرەبان

لەگەڵ هاتنە پێشی ئەو شەرەی بەرۆکی هەرێمی کوردستان و خەڵکە ئاشتیخوازەکەی گرتووە، کۆمەڵێک بابەتی نوێ هاتوونەتە پێش کە پێویستی بە بەدواداچوون و لێکدانەوەی شەرعی هەیە... یەکێک لەو پرسیارانەی ئاراستەی لێژنەی باڵای فەتوا کراوە چۆنیەتی مامەڵەکردنە لەگەڵ لاشەی مردوو یان کوژراو.

لێژنه‌ی باڵای فه‌توا پاش لێکۆڵینه‌وه‌و تاوتوێ‌ کردنی ئه‌م بابه‌ته‌ و به‌ سوود وه‌رگرتن له‌ ڕای زانایانی فیقهی ئیسلامی، ئەم روونکردنەوەی دا:

درووست نییە سوکایەتی بە لاشەی مردوو بکرێت، وەک ئەوەی بسووتێندرێت یان گوێو لووتی ببڕدرێت یان چاوی دەربهێندرێت یان سووکایەتی پێ بکرێت، چونکە:

1/ لە هەموو کاتێکی ئاشتی و شەردا پێویستە رەچاوی رێزگرتن لە مرۆڤ بکرێت، چونکە خوای گەورە لە قورئانی پیرۆزدا بنەمای: (ۆڵقَدْ کَرَمْنَا بَنِی آدَمَ)ی بە هیچ شتێک نەبەستۆتەوە.

2/ پێغەمبەر دروودی خوای لەسەر بێت تاڵانکردنی ماڵی خەڵکو هەتککردنی لاشەی مردووی قەدەغەی کردووە، وەک لە عەبدوڵای کوری زەید دەگێردرێتەوە کە پێغەمبەر دروودی خوای لەسەر بێت: (نَهَى عَنِ النُهْبَەِ ۆالمُپْڵەِ) رواه البخاری. واتە: تاڵانکردن و هەتککردنی لێ قەدەغەکردبووین.

3/ عیمرانی کوری حێین دەگێرێتەوە، پێغەمبەری خوا فەرمانی ێەدەقەی پێدەکردینو، هەتکردنیشی لێ قەدەغە دەکردین: (ڕَمَرَنَا بِالێَدَقَەِ، ۆنَهَانَا عَنِ الْمُپْڵەِ) رواه النسائی واحمد.

4/ لە هیچ سەرچاوەیەکی دروست نەهاتووە کە پێغەمبەرو هاوەلانی پەنایان بۆ هەتککردنی مردوو بردبێت یان رێگەیان پێدابێت.

لێرەوە داوا لە برایانمان لە پێشمەرگە قارەمانەکانمان و فەرماندەکانیان دەکەین لە هیچ حاڵەتێکدا پەنا بۆ سووکایەتی کردن بە لاشەی کوژراوان نەبەن، بێگومان هەر ئەوەش لەو هێزە رەوشبەرزە چاوەرێ دەکرێت، کە بەدرێژایی مێژوو جوامێرانەترین و بەرزترین رەوشتی شەرکردنیان پیشان داوە. بۆیە لە هەر حاڵ و رەوشێکدا، نابێ هیچ پەرچەکردارێکی نادرووست لەلای بەرێزتانەوە دروست بێت، بە پێچەوانەوە دەست بە شەریعەت و یاسا نێودەوڵەتیەکان و ئەخلاقی رەسەنتانەوە بگرن.



یەکێتی زانایانی ئایینی ئیسلامی کوردستان

لێژنەی باڵای فەتوا

4/4/1436

3/1/2015