ئەنوەر حاجی عوسمان بریكاری وەزارەتی پێشمەرگەی حكومەتی هەرێمی كوردستان رای دەگەیەنێت، شەوی رابردوو 11 پێشمەرگە دوای ئەوەی نزیكەی رۆژێك لەدوای هێرشەكانی داعش گیریان خوارد بوو ئازاد كرا.
بریكاری وەزارەتی پێشمەرگە هەروەها گوتی، دوای ئەوەی شەوی 29 لەسەر 30ی رابردوو تیرۆریستانی داعش لەمیحوەرەكانی كەركوك و مەلا عەبدوڵا و پردی فەتحەو تەلوەرد هێرشیان هێنایە سەر هێزەكانی پێشمەرگە كە ژمارەیەك پێشمەرگە شەهید و بریندار بوون و هەروەها بۆ ماوەیەكی كەم ئەو میحوەرانە كەوتنە دەستی داعش، ژمارەیەك پێشمەرگە لەهێزەكانیان دابڕان.
راشیگەیاند: لەنزیك گوندی مەلا عەبدوڵا 13 پێشمەرگە لە هێزەكانیان بەهۆی تەمومژەوە دادەبرێن و كەمتر لە 24 سەعات گیریان خوارد بوو، بەڵام شەوی رابردوو لە هەڵمەتێكی هێزی لیوای 11ی پیادە توانراوە هەر 13 كەس بكەونەوە دەست پێشمەرگە، بەڵام دوو لەوان پێشتر شەهید ببون.