فەرماندەی هێزی پێشمەرگەی كوردستان لەكۆبانێ عەمید موسڵح زێباری رای دەگەیەنێت، لەكۆبانێ بە رادەیەكی زۆر داعش لاواز بووە بە شێوەیەك نەك توانای هێرش و پەلاماردانی نەماوە، بەڵكو توانای ئەوەی نییە بەرگریش بكات.
عەمید موسڵح هەروەها گوتی، ئەگەر سەیری پەلاماردانەكانی داعش بكەین لە كۆبانێ كە چەندین هێرشی كردۆتە سەر هێزی كوردی بەڵام لەهەر هەموویاندا شكستی هێناوە، ئەمەش ئاماژەیەكی روونە داعش لاواز بووەو توانای سەركەوتن لە هیچ شەڕێكی نەماوە.
ئەوەشی خستەروو، هەروەها وەك جارانیش توانای بەرگری نەماوە لەبەرامبەر هێرشەكانی هێزی كوردی، بۆیە بەمزوانە موژدەی سەركەوتن بە خەڵكی كوردستان دەدەین كە كۆبانێ بە یەكجارەكی لەدەست تیرۆریستانی داعش ئازاد دەكرێ.