هێزەكانی پێشمەرگەی كوردستان لەمیحوەری باشیك هاوشێوەی میحورەكانی دیكەی كوردستان گورزی گەورە لە داعش دەوەشێنن و زیانێكی زۆریان پێ دەگەیەنێت.
یونس رۆژبەیانی بەرپرسی میحوەری باشیك رایگەیاند، شەوی رابردوو تیرۆریستانی داعش پەلاماری هێزی پێشمەرگەی كوردستانیاندا، هاوشێوەی پەلاماردانەكانی رابردوو هێزی پێشمەرگە بەرپەرچیان دانەوەو تێكیان شەكێندرا.
راشیگەیاند، داعش هەر زوو پاشەكشێی كرد و ژمارەیەك لاشەی كوژراوانیشیان لێ بەجێماوە و ژمارەیەك ئۆتۆمبێلی سەربازیشیان كەوتۆتە دەست هێزی پێشمەرگە.
ئەوەشی خستەروو، فڕۆكەكانی هاوپەیمانانیش بۆردومانێكی سەختیان كردووە.