بەرپرسی میحوەری راگەیاند، كە لە گوندی خورسەبات، چەكدارانی داعش لە دوو شوێن كۆبوونەوە بۆ ئەوەی هێرش بكەنە سەر سەنگەرەكانی پێشمەرگە، هێزەكانی پێشمەرگە لە میحوەری ناوەران، بە چەكی قورس، ئەو دوو شوێنەیان تۆپبارانكرد و پلانەكەیان پوچەڵكردەوە.

سەربەست تروانشی، بەرپرسی میحوەری ناوەران لە باكووری موسڵ، راگەیاند، هێزێكی چەكدارانی داعش، لە موسڵەوە هاتبوونە گوندی خۆرسەبات، بۆ ئەوەی هێرش بكەنە سەر پێشمەرگە، بەڵام پێش ئەوەی هێرش بكەن، لە كاژێر 7ی سەرلەبەیانی ئەمڕۆ 10ـی كانوونی دووەمی 2015، هێزەكانی پێشمەرگە بە چەكی قورس تۆپبارانی هێزەكەیان كرد و بە تەواوی تێكشكێندران.

سەربەست تروانشی زیاتر گوتی، ژمارەی كوژراو و برینداران نەزانراوە، بەڵام بەپێی چاودێریكردنی ئێمە، سەرجەم هێزەكەیان تێكشكێندراوە و ژمارەیەكی زۆر كوژراو و برینداریان هەیە.







رووداو