عیسمەت رەجەب بەرپرسی لقی 14ی پارتی دیموكراتی كوردستان رایگەیاند، ماوەیەكە تیرۆریستانی داعش چەند شوێنێكی موسڵ چۆڵ دەكات، چونكە دڵنیایە بەمزوانە هێرشی دەكرێتەسەر، بۆیە بە سەدان ئافرەت و سەدان دەستگیركراوی پیاویش بەرەو وڵاتی سوریا دەگوازێتەوە.
هەروەها رایگەیاند: لە ماوەی هەفتەیەدا داعش نزیكەی 200 ئافرەت كە زۆرینەیان رفێندراون بەرەو شاری رقەی سوریا گواستۆتەوە.
راشیگەیاند، هەروەها پتر لە 200 تا 250 پیاویش كە لای خۆی بەندی كردوون بۆ هەمان شار گواستۆتەوە.
ئەوەشی خستەروو، هۆكاری گواستنەوەیان بۆ ئەوەیە لەكاتی هێرش و پەلاماردان بۆ سەریان یان لەئەگەری بەدیلگرتنی سەركردەكانیان بیانگورێتەوە.