شێروان ئەسپینداری فەرماندەی هێزی پێشمەرگە بە كۆبانێ رای دەگەیەنێت، بۆ جارێكی تر هێزی كورد لەچەند شوێنێكی جیا جیا پێشڕەوی دەكات كە یەكێك لەو شوێنانە بۆ هێزی كوردی شوێنی ستراتیژی و گرنگن.
هەروەها راشیگەیاند، لەباكوری رۆژئاوای كۆبانێ هێزی كورد چۆنەتە ناو گەڕەكی پیشەسازی، ئەو گەڕەكە شوێنێكی بەرزەو بەزۆرینەی كۆبانێ دەڕوانێ و دەكرێ لەوێوە ئامانجەكان دیاری بكەین.
ئەوەشی خستەروو، لەسێ شوێنی دیكەی جیای كۆبانێ هێزی پێشمەرگەو شەڕڤانان پێشڕەویان كردووە، داعش لە چەند شوێنێكدا كۆمەڵێك ئۆتۆمبێل و چەك و تەقەمەنی و پێداویستی سەربازی بەجێهێشتووە.
ئاماژەیبەوەدا، پێشبینی دەكرێ لەرۆژانی داهاتوو پێشڕەوی زۆر زیاتری هێزی پێشمەرگەو شەڕڤانان هەبێ، چونكە بە ئازادكردنی گەڕەكی پیشەسازی، تیرۆریستانی داعش شوێنێكی گرنگ و ستراتیژیان لەدەستداوە.