خۆكوژێكی‌ داعش له‌ڕێگه‌ی‌ ئۆتۆمبێلێكی‌ بۆمبڕێژكراوه‌وه‌ هێرشی كرده‌ سه‌ر هێزه‌كانی‌ پێشمه‌رگه‌ و هێرشه‌كه‌ش له‌لایه‌ن ئه‌و هێزانه‌وه‌ تێكشكێندرا.

سه‌رچاوه‌یه‌ك له‌ هێزه‌كانی پێشمه‌رگه‌ ئاشكراشیكرد: شه‌وی‌ رابردوو چه‌كدارانی داعش له‌ چواڕیانی حه‌ردانی سه‌ر به‌ ناحیه‌ی سنونێ به‌ ئۆتۆمبێلێكی بۆمبڕێژكراوه‌وه‌ هێرشێكی خۆكوژییان كردوه‌ته‌ سه‌ر خاڵه‌ پشكنینه‌كانی‌ هێزی پێشمه‌رگه‌.

ئه‌و سه‌رچاوه‌یه‌ ئاماژه‌ی‌ به‌وه‌شكرد: به‌ر له‌ گه‌یشتنی‌ ئه‌و ئۆتۆمبێله‌ بۆمبڕێژكراوه‌ له‌لایه‌ن هێزه‌كانی‌ پێشمه‌رگه‌وه‌ هێرشی‌ كرایه‌سه‌رو تێكشكێندرا.

به‌ ووته‌ی‌ ئه‌و سه‌رچاوه‌یه‌ له‌و هێرشه‌دا هیچ زیانێك به‌ر هێزه‌كانی‌ پێشمه‌رگه‌ نه‌كه‌وتوه‌.








خه‌ندان