زەعیم عەلی فەرماندەی هێزی پێشمەرگەی كورستان لەرۆژئاوای دیجلە رایگەیاند، هێزی پێشمەرگەی كوردستان پلانێكی تۆكمەی هەیە بۆ ئەوەی تەواوی شەنگاڵ لە دەست تیرۆریستانی داعش پاك بكاتەوە.
زەعیم عەلی هەروەها گوتی، هۆكاری مانەوەی چەند شوێنێكی كەم لەشەنگاڵ بە دەستی داعشەوە پەیوەندی بە پلانی سەربازی هێزی پێشمەرگەوە هەیە، چونكە دەمانەوێ ئەو بەشە كەمەی لە دەستی داعش دایە كەمترین زیان بدەین، لەبەر ئەوەی داعش هیچ توانایەكی نەماوە، بەڵكو چەند قەناس بە دەستێكی لەسەر چەند شوێنێكی بەرز داناوەو نیشانە لە هێزی پێشمەرگە دەگرن.
راشیگەیاند، ژمارەیەكی زۆر لە هاونیشتمانان دەیانەوێ بگەرێنەوە شوێنەكانی خۆیان، بەڵام ئێمە رێگایان نادەین تا لە سەلامەتیان دڵنیا نەبین، چونكە داعش بەشێك لە خانوو و شوێنە گشتی و رێگاوبانەكانی بۆمب رێژ كردووە.