لە درێژەی هێرشەكەیاندا بۆ سەر چەكدارانی رێخکراوی دەوڵەتی ئیسلامی (داعش) لە زوممارەوە بە ئاراستەی شنگال، هێزی پێشمەرگە دوو گوندی دیكەیان كۆنترۆلكرد.

سەرچاوەیەك لە هێزی پێشمەرگەی كوردستان رایگەیاند، كە دوای كۆنتڕۆلكردنی گوندەكانی كافڕا، بیر حلو، مامیل حلو، بیركێ، هەردوو گوندی عەبد بیلال و گردشۆر كۆنتڕۆڵكران.

ئەو سەرچاوەیە گوتیشی، پێشمەرگە بە خێرایی لە پێشڕەویدایە و داعش توانای بەرگرییان زۆر لاواز بووە.

سەرچاوەكەی پێشمەرگە گوتیشی، پێشڕەوی پێشمەرگە گەیشتە چوارڕیانی حەردان و لەگەڵ پێشمەرگەكانی چیای شنگال یەكترییان گرتووەتەوە.

لە بەرەبەیانی ئەمڕۆ پێنجشەممەوە، هێرشی پێشمەرگە بۆ سەر چەكدارانی داعش لە سنووری زوممار بەرەو شنگال دەستیپێكردووە و تاوەکو ئێستا چەندین گوندی كۆنتڕۆلكردووە.









رووداو