فەرماندەیەكی هێزی پێشمەرگەی كوردستان رایگەیاند، پێشڕەوییەكانی هێزی پێشمەرگەو شەڕڤانان لەكۆبانێ درێژەی هەیەو داعش لە هەموو هێرشێكدا شكست دەهێنێ، لە دوایین هێرشەكانی هێزی پێشمەرگە ژمارەیەك لاشەی تیرۆریستانی داعش بەجێدەهێلدرێ.

شەوكەت مزوری رایگەیاند، لە ماوەی دوو رۆژدا زیاتر لە 6 كوڵانی تر لەدەست تیرۆریستانی داعش دەهێندراوە، رۆژانە هێزی پێشمەرگەو شەڕڤانان پێشڕەوی دەكەن و داعشیش لەپاشەكشێ دایە.

راشیگەیاند، لە دوو رۆژدا لاشەی 11 تیرۆریستی داعش كەوتۆتە دەست هێزی پێشمەرگە، بە سیمایان بەشێك لەلاشەكان بیانین و غەیرە عەرەبن.