سەرلەبەیانی ئەمڕۆ لە چوارچێوەی هێرشەكانی هێزەكانی پێشمەرگە بۆ سەر شنگال و ناوچەكانی دەوروبەری، هێرشكرایە سەر ئەو گوندانەی دەوروبەری زوممار، كە لە ژێردەستی داعشدا مابوون، ژمارەیان 7 گوند بوون و تەواوی ئەو گوندانە لەلایەن هێزی پێشمەرگە كۆنترۆڵكرانەوە.

موحسین سەعدوون، پەرلەمانتاری عێراق، كە لەبەرەكانی شەڕدایە لە دەوروبەری زوممار راگەیاند: "لە بەیانییەوە گووندەكانی بەرسۆر و كارێز و حۆگنە و گرگامێش و كۆپانێ و مح وەردك و قەسەبێ لەلایەن هێزەكانی پێشمەرگەوە كۆنترۆڵكرانەوە و بەمەش تەواوی گووندەكانی سنووری زوممار كەوتنەوە ژێر دەستی پێشمەرگە".

موحسین سەعدوون گوتیشی "لە شەڕی ئەمڕۆدا دەیان تەرمی چەكدارانی داعش بەجێماون و ئەوانی دیكەش نەیانتوانی بەرگری بكەن و هەڵاتوون". سەبارەت بە زیانەكانی پێشمەرگەش گوتی: "تەنیا دوو پێشمەرگە برینداربوون".








رووداو