ئەنجوومەنی ئاسایشی هەرێمی کوردستان دەستگیرکردنی "گرووپێکی تیرۆریستی" راگەیاند.

ئەنجوومەنی ئاسایشی هەرێمی کوردستان لە کۆنگرەیەکی رۆژنامەنووسیدا رایگەیاند، گرووپێکی نۆ کەسی دەستگیرکراوە، کە دەستیان لە تەقینەوەکەی بەردەم پارێزگای هەولێر و چەند تەقینەوەیەکی شاری کەرکووکدا هەبووە.

لە کۆنگرە رۆژنامەوانییەکەدا، ئەنجوومەنی ئاسایشی هەرێمی کوردستان راشیگەیاند، ئەو نۆ کەسە بە نیازبوون بارەگای مەکتەبی سیاسی یەکێتیی نیشتمانیی کوردستان لە سلێمانی و بارەگایەکی گەورەی پارتی دیموکراتی کوردستان لە شاری هەولێر، بتەقێننەوە.

بەپێی زانیارییە بڵاوکراوەکان، ئەو نۆ کەسە دەستگیرکراوە، لە کورد و عەرەب پێکهاتوون.









رووداو