سەرلە ئێوارەی ئەمڕۆ سێشه‌ممه‌ 150 پێشمەرگەی هەرێمی کوردستان بە مەبەستی جێگرتنەوەی ئەو پێشمەرگانەی لە ئێستادا لە کۆبانێن لە فڕۆکەخانەی نێودەوڵەتی هەولێرەوە بەرەو تورکیا بەڕێکەوتن .

ئاژانسی هەواڵی جیهانی تورکی بڵاویکردووەتەوە ئەو هێزەی پێشمەرگە ژمارەیان 150 پێشمەرگەیە و لە رێگەی فڕۆکەخانەی نێودەوڵەتی هەولێرەوە بەرەو شاری ریها لە باکوری کوردستان بەڕێکەوتوون .

لەلای خۆشییەوە پێشتر جەبار یاوەر، ئەمینداری گشتی وەزارەتی پێشـمەرگەی هەرێمی كوردستان بە ئاژانسی ئانادۆڵی راگەیاندبوو: "بە مەبەستی پێدانی پشوو بەو هێزەی كە ئێستا لە كۆبانێیە، هێزی دیكەی پێشمەرگە رەوانەی كۆبانێ دەكەین".

سەرچاوەیەکی تریش ڕایگەیاندبوو "ئەو هێزەی كە دەچێتە كۆبانێ چەك و تەقەمەنی تازە لەگەڵ خۆیان دەبەن، بە چەك و تەقەمەنی تازە دەچنە كۆبانێ و پێداویستیی تەقەمەنییە قورسەكانیش لەگەڵ خۆیان دەبەن، ئەو هێزەشی كە دەگەڕێتەوە زۆربەی چەكەكانیان بۆ هێزی تازە لە كۆبانێ بەجێ دەهێڵن".








خەندان