شەوی رابردوو لە میحوەری بەنداوی مووسڵ، هێزەكانی پێشمەرگەی كوردستان دوو هێرشی تیرۆرستانی داعشیان تێكشكاند و نزیكەی پەنجا چەكداری داعش كوژران.



سەرچاوەیەكی هێزی پێشمەرگەی كوردستان لە میحوەری بەنداوی مووسڵ بە پەیامنێری راگەیاند، كاتژمێر 9ی شەوی رابردوو چەكدارانی تیرۆرستی داعش هێرشیانكردووتە سەر سەنگەرەكانی پێشمەرگە و لە ئەنجامدا، هێزی پێشمەرگە توانی هێرشەكەی داعش بشكێنن و زیانی گیانی زۆر بە تیرۆرستان بگەیەنن.



سەرچاوەكە گوتیشی: لە ئەنجامی هێرشەكە نزیكەی پەنجا چەكداری داعش كوژراون و زۆربەی تەرمەكانیان لەبەر دەستی پێشمەرگە بەجێماوە، بۆجاری دووەم چەكدارانی داعش بە پیادە هێرشیانكردەوە سەر هێزی پێشمەرگە بۆ ئەوەی تەرمەكانیان ببەنەوە، بەڵام دوبارە پێشمەرگە توانی گورزی كوشندە لە تیرۆرستان بدات و تێكیان بشكێنێت.