مەسعود بارزانی، سەرۆكی هەرێمی كوردستان بەبۆنەی کۆچی دوایی کەمال فوئاد، سه‌رۆكی پێشووتری په‌رله‌مانی كوردستان و یەکێک لە دامەزرێنەرانی یەکێتیی نیشتمانیی كوردستان، پەیامێك بڵاودەكاتەوە و هاوخەمی خۆی دەردەبڕێت.

دەقی پەیامەكە:

بەڕێزان/ خانەوادەی خوالێخۆشبوو دکتۆر كه‌مال فواد
مەکتەبی سیاسیی یه‌كێتیی نیشتیمانیی كوردستان
به‌داخەوە، هه‌واڵی كۆچی دوایی دکتۆر كه‌مال فواد، کەسایەتیی نیشتیمانپەروەر و سه‌رۆكی پێشووتری په‌رله‌مانی كوردستان و ئه‌ندامی دەستەی دامه‌زرێنه‌ر و مه‌كته‌بی سیاسیی یه‌كێتیی نیشتیمانیی كوردستان – مان پێگەیشت، كه‌ بە نەخۆشی له‌ ئه‌ڵمانیا كۆچی دوایی كرد.

به‌م بۆنه‌ خه‌مناكه‌وه‌، سه‌ره‌خۆشی له‌ خانه‌واده‌ به‌ڕێزه‌كه‌ی و خوشک و برایانمان لە مەکتەبی سیاسی و سەرکردایەتیی یەکێتیی نیشتیمانیی کوردستان و سه‌رجه‌م هه‌ڤاڵانی دکتۆر كه‌مال ده‌كه‌م و هاوبەشی خەمتانم.

له‌ خوای گه‌وره‌ داواكارم ئارامی و دڵنه‌وایی به‌ هه‌موو لایه‌ك ببه‌خشێت و گیانی خوالێخۆشبوویش به‌ به‌هه‌شتی به‌رین شاد بكات .
انا لله‌ و انا الیه‌ راجعون
مسعود بارزانی
سه‌رۆكی هه‌رێمی كوردستان
١٦ـی ١١ـی ٢٠١٤