کۆبوونەوەی وەزیری نەوتی عێراق و سەرۆکی حکومەتی هەرێمی کوردستان، لە نووسینگەی تایبەتی سەرۆکی حکومەت دەستیپێکرد.

عادل عەبدولمەهدی، وەزیری نەوتی عێراق، لەگەڵ نێچیرڤان بارزانی، سەرۆکی حکومەتی هەرێمی کوردستان بە ئامادەبوونی قوباد تاڵەبانی، جێگری سەرۆکی حکومەتی هەرێمی کوردستان و ئاشتی هەورامی، وەزیری سامانە سرووشتییەکانی هەرێمی کوردستان کۆبووەوە.

بەپێی زانیارییەکان، لە کۆبوونەوەکە تاوتوێی کێشەکانی نەوت لە نێوان هەولێر و بەغدا دەکرێت.

سەرلەبەیانی ئەمڕۆ پێنجشەممە 13ـی تشرینی دووەمی 2014، عادل عەبدولمەهدی، بە سەرۆکایەتی شاندێکی عێراقی لە رێگای فڕۆکەخانەی نێودەوڵەتی هەولێر، گەیشتە هەرێمی کوردستان.








رووداو