داعش زیاتر لە 50 كوردی كۆبانێ ئازاد دەكات، كە لە مانگی شوباتدا لە پارێزگای رەققە دەستگیری كردبوون، بەڵام تاوەکو ئێستا چارەنووسی نزیكەی 110 كەسی دیكە نادیارە.

لەنزیك سنووری كۆبانێ رایگەیاند، زیاتر لە 50 كەس، كە پێش ئێستا لەپارێزگای رەققە لەلایەن داعشەوە دەستگیركرابوون و دواتر داعش ئەوانی گواستەوە بۆ زیندانەكانیان لە مونبجی سەر بە پارێزگای حەلەب و دواتر دووبارە ئەوانی گەڕاندەوە رەققە و رۆژی دووشەممە لەلایەن داعشەوە ئازادكران.

هێشتا چارەنووسی گیراوەكانی دیكە، كە ژمارەیان نزیكەی 110 كەسە، دیار نییە و كەس هیچ شتێكیان لەبارەوە نازانێ.

لە 19ـی مانگی شوباتی رابردووەوە، نزیكەی 160 كوردی كۆبانێ لەنزیك گوندی عالییە لەسەر رێگای نێوان هەردوو پارێزگای رەققە و حەلەب لەلایەن چەكدارانی داعش دەستگیركران.

ئەو هاونیشتمانییە كوردانە بە زیاتر لە 10 پاسی بچووك بەرەو سنووری رۆژئاوا و باشووری كوردستان دەچوون و دەیانویست بۆ باشووری كوردستان بپەڕنەوە بۆئەوەی لە باشووری كوردستان كاربكەن و بژێوی ژیانی خۆیان و خێزانەکانیان پەیدا بكەن.







رووداو