له‌سه‌ر داوای سه‌رۆكی هه‌رێمی كوردستان له‌ دانیشتنی ئه‌مڕۆی په‌رله‌مانی‌ كوردستان تاوتوێی ناردنی هێزی‌ پێشمه‌رگه‌ی‌ كوردستان بۆ كوبانێ‌ له‌ خۆرئاوای‌ كوردستان ده‌كرێت.



كامه‌ران سوبحان سكرتێری‌ رۆژنامه‌وانی‌ سه‌رۆكی‌ په‌رله‌مانی‌ كوردستان به‌ئاژانسی هه‌واڵی په‌یامنێری ڕاگه‌یاند: دوێنێ ئێواره‌ سه‌رۆكی هه‌رێمی كوردستان به‌فه‌رمی داوای له‌سه‌رۆكی په‌رله‌مانی كوردستان كرد ناردنی هێزی پێشمه‌رگه‌ بخرێته‌ به‌رنامه‌ی كاره‌وه‌ و به‌په‌له‌ دانیشتنی له‌سه‌ر بكرێ.

كامه‌ران سوبحان به‌ په‌یامنێری گووت: له‌ دانیشتنه‌كه‌ی ئه‌مرۆدا وابڕیاره‌ كاتژمێر 11 ده‌ست پێبكات خوێندنه‌وه‌ بۆ چه‌ندین بابه‌ت و پڕۆژه‌ یاسا ده‌كرێت تیایدا باس له‌ ناردنی هێزی پێشمه‌رگه‌ ده‌كرێت بۆ كوبانێ.

ئه‌وه‌شی خسته‌ڕوو: له‌ دانیشتنه‌كه‌ی ئه‌مڕۆدا سه‌باره‌ت به‌ ناردنی هێزی پێشمه‌رگه‌ مسته‌فای سه‌ید قادری وه‌زیری پێشمه‌رگه‌ ئاماده‌ ده‌بێت.