سبەی سێ‌شەممە پەرلەمانی كوردستان کۆدەبێتەوە و وەزیری پەروەردەش ئامادەی دانیشتنەکە دەبێت.



نازم كەبیر، ئەندامی پەرلەمانی كوردستان بە ئاژانسی هەواڵی پەیامنێری راگەیاند؛ سبەی سێشەممە پەرلەمانی كوردستان كۆدەبێتەوە و خوێندنەوە بۆ چەند پرۆژە یاسایەکی گرنگ دەکرێت.



هەمواركردنەوەی چەند بڕگەیەك لەیاسای سزادانی عێراقی و هەمواركردنەوەی بڕگەكانی پەیرەوی ناوخۆی پەرلەمانی كوردستان لە کارنامەی کاری دانیشتنی سبەینێی پەرلەمان دەبێت.



ئەو ئەندام پەرلەمانە باسی لەوەشکرد کە لە كۆبوونەوەکەی سبەینێی پەرلەمان، وەزیری پەروەردەش ئامادە دەبێت و باس لە كێشەكانی كەرتی پەروەردە و رەوشی پەروەردە لە پارێزگای دهۆك دەكات.



بەهۆی هاتنی ژمارەیەكی زۆری ئاوارە بۆ پارێزگای دهۆك، هێشتا ژمارەیەك قوتابخانەی پارێزگاكە ئاوارەی تێدایە و دەست بە خوێندن نەكراوە.