(گولان میدیا)-دوێنی گۆڤاری ده‌به‌ق كه‌ تیرۆریستانی داعش به‌ زمانی ئینگلیزی ده‌ری ده‌ده‌كات و تیایدا ئه‌وه‌ی خستۆته‌ روو كه‌ تیرۆریستانی داعش شانازی به‌ هه‌تككردن و فرۆشتن و به‌ كۆیله‌كردنی ژنان و كچانی ئێزدی ده‌كه‌ن، ئه‌مرۆ جۆن كیری وه‌زیری ده‌ره‌وه‌ی ئه‌مریكا له‌ به‌یاننامه‌یه‌كدا سه‌ركۆنه‌ی ئه‌و كاره‌ی كردووه‌ كه‌ تیرۆریستانی داعش ئێستا شانازی به‌ هه‌تكردن و فرۆشتن و به‌ كۆیله‌كردنی كچان و ژنانی ئێزدی ده‌كات كه‌ هه‌ندێك له‌و كچانه‌ ته‌مه‌نیان له‌ 12 ساڵ تێپه‌رنه‌بووه‌.

له‌ درێژه‌ی به‌یاننامه‌كه‌دا هاتووه‌ تیرۆریستانی داعش بۆ پاكانه‌كردنیان بۆ ئه‌م ره‌فتاره‌ درندانه‌ی دژی كچان و ژنانی ئێزدی كردویانه‌ بانگێشه‌ بۆ ئه‌وه‌ ده‌كه‌ن كه‌ ئیسلام ئه‌مه‌ی رێگه‌ پێداوه‌، به‌ڵام ئه‌مه‌ راست نیه‌ به‌هیچ شێوه‌یه‌ك و ده‌وڵه‌تی به‌ناو ئیسلامی داعشیش نوێنه‌رایه‌تی ئیسلام ناكات.

كیری له‌ درێژه‌ی به‌یاننامه‌كه‌یدا دوا له‌ كۆمه‌ڵگه‌ی نێوده‌وڵه‌تی ده‌كات ئه‌م كاره‌ درنده‌و نامرۆڤانه‌یه‌ی تیرۆریستانی داعش سه‌ركۆنه‌ بكه‌ن، تیرۆریستانی داعش درنده‌ترین ریكخراون كه‌ هه‌تا ئێستا مرۆڤایه‌تی بینوویه‌یه‌تی